謝安琪（Kay）為運動時裝品牌客串設計師一職，她笑言今次「絞盡腦汁」設計，以「Ready To Wear」理念出發，希望做到輕鬆Mix & Match，和諧合奏：「舊年演唱會我都好滿意，所以今次系列亦決定沿用『kay… isn’t me.』作為設計概念，希望繼續鼓勵大家好好閱讀自己、探索生命。除了保留運動服裝的基本元素，在設計上亦花盡心思。我今次參與度都好高架，由概念、起稿同揀材料都關我事，不過我聽講我揀嘅Earth Tone顏色，呢個品牌過百年歷史都冇咩用過，我仲以為佢哋實拒絕我啦，點知全權比我話事，希望帶到新感覺比大家！」
剛過去的農曆年，Kay表示自己留港度歲，每日做運動健身，「新一年希望大家都身體健康，呢排天氣比較反覆，自己每日在家也有抽時間做瑜珈和簡單的負重運動，希望可以好好鍛煉身體。」
