車婉婉的囝囝BBQ已五歲，近日婉婉在社交網上載囝囝第一次參加鋼琴比賽的「成長日記」照片，作為媽媽的婉婉，看見囝囝在台上參賽，非常感動，雖然最後失落獎項，也為囝囝的「自我修復」能力感到高興。
她發文道：「BBQ先生經歷了人生第一次正式嘅比賽…刺激首先，參加比賽，Q MaMa係真心想俾佢開吓眼界。同埋自己喺屋企練習，出到去咁多人嘅景（境）界，佢又能唔能夠handle呢？原來，Q MaMa都大開眼界！有32位小朋友參加，大家都真係做得好好，我見到人哋啲小朋友彈得好好，我真的好感動。當然，叫排第27嘅BBQ先生出場嘅時候，我個心都有啲滾動，佢好認真，但都真係緊張，好多嘢都似乎忘記了…BBQ有兩位同學仔同佢一齊比賽，一個得季軍一個得冠軍。BBQ先生替佢哋非常高興，大力鼓掌之餘，心知自己表現失準，難免有點失落…走出會場時，佢見到有位小朋友哭得好犀害，Q MaMa都擔心佢頂唔順，喊埋一份…點知，佢同MaMa講：『我哋唔洗喊㗎！下次努力就可以啦！』此刻，Q MaMa真正學習到BBQ的「自我修復」能力也很是不錯，希望佢呢次嘅經驗，令佢對自己更加認真，而且明白到成功路上係包括好多心血同努力，而MaMa係會一直陪伴同支持佢嘅。加油呀仔！」
