無綫派出黃庭鋒與梁芷珮到北京採訪冬奧，Christy的攝影師丈夫Kenneth亦有同行，隨住冬奧結束，大夥亦立即起程返港，在回程當日（21/2）適逢是兩人的結婚周年紀念，Christy在IG上載在雪山的咀嘴照，又與機場的防疫人員一齊擺出心心甫士，她寫道：「18年前嘅今日，我好愛佢所以嫁比佢，18年後嘅今日，我更加超愛佢，所以去到邊都黐住佢！雖然今年結婚18周年要喺檢疫中度過，但只要有老公喺身邊，邊度過都冇所謂啦！Happy 18th anniversary! Love u Lo Kung!!!!」
Christy與丈夫之前合力製作了多輯《潮什麼系列》的旅遊節目，丈夫包辦收音、燈光及拍攝工作；這次Christy主要負責訪問香港運動員，包括金和曉、翁厚全及花絮等等，她自言充滿挑戰性，因為要即拍即剪即傳，同時間競賽，農曆年及情人節都要在工作中度過，留港的子女交由父母照顧，兩公婆可以拍住上專心工作。
圖片來源：梁芷珮@Instagram
