黃翠如主持的旅遊節目《膽粗粗．HERE WE GO》今晚（4日）及明晚播出一集，將踏足近日有最新「危險之國」之稱的厄瓜多爾。
除了走訪別具特色及歷史意義的漂亮區域及建築，翠如和馮子亮（Liam）還大開食戒及買戒。其中一站，二人去到南美洲最大土著手工藝市場奧塔瓦洛市場買手信，翠如第一時間想到的竟是好友唐詩詠而不是老公蕭正楠，原來拍攝當日是詩詠正日生日，故翠如才第一時間想到對方；對於老公翠如一樣極愛錫，更對着鏡頭放閃謂：「我應承買生日禮物俾詩詠，同埋我屋企嘅大爺！」翠如另外還同時為父母、家姐、妹妹及姨甥女選購手信，並親自示範「講價五式」：聲大大、扮走人、紮行馬為自己增加聲勢、手口並用，以及鍥而不捨。
另一有趣位是翠如和Liam拜會了當地「巫醫」，並參與了驅除負能量儀式。首度擔任監製的翠如，在節目中除了去到邊都第一時間照顧同行工作人員各種需要，留意同行Liam的表現，亦要留意四周安全，皆因厄瓜多爾近期暴力罪案持續飊升，被封為新一任最危險國家，在攝製隊到埗前一星期，更發生持槍屠殺事件。製作組在拍攝期間便一度親歷危險時刻，鏡頭所見，氣氛當時相當緊張，翠如與工作人員全程躲在旅遊車，翠如則邊留意四周環境、邊向鏡頭說：「入夜真係要小心，因為好多事件，頭先喺街嗰度聽到兩下槍聲。呢度一過（下午）五點半，導遊話一定要上返車。」
