肥媽（Maria Cordero）、李家鼎（鼎爺）及游嘉欣（游游）主持新飲食節目《肥媽李鼎打大佬》。早前播出預告片花生指數極高，游游提到肥媽第一任老公出軌事件，肥媽直認不諱：「返到屋企時，有兩條友瞓喺我牀嗰度。」游游聞言嚇到O晒嘴！早前傳出有拖拍的游游，被肥媽和鼎爺夾攻，肥媽說：「圈外人吖嘛，連我都知啦。」鼎爺加多腳說：「我知道咗好耐啦，唔講之嘛。」被玩的游游則口窒窒搞笑謂：「冷靜啲先大家！」縱橫娛樂圈多年的肥媽更大拋娛圈金句：「娛樂圈冇是非你做咩呀？最緊要有是非，你理得佢好定唔好吖？」
另「00後問題少女」游游每集開首都會上演小趣劇大放笑彈，並會一人分飾六角，眾多角色中最吸睛的造型非「墊」鬥格十足的Double May莫屬，游游受訪時害羞指花了不少時間「升Cup」：「入面攝咗好多棉花整到有一定嘅厚度，再加埋個斜孭袋，咁先做到製作組想要嘅『山峰』效果。」游游表示一人分飾六角最大難度是配音，但都覺得好有趣。
