ERROR隊長梁業（肥仔）近日推出solo跳唱快歌《Phat N Fresh》，MV更找來王家晴（Candy@COLLAR）助陣！
肥仔表示新歌是一首節奏澎湃的跳唱作品，而歌名中的「Phat」，除了有有型的意思外，更是取其名字的諧音「Fat」，他笑言：「又有型又Fresh，即係我囉！」MV亦加入大量的跳舞場面：「我參考咗Seventeen分隊BSS的MV，覺得佢哋嘅Concept、玩法好適合我，既可以呈現跳舞又有戲分，所以裏面都有一個景，包含超級市場、遊樂場同Gym房，當一班人跳舞嘅畫面，就會睇到成個景有幾靚！」
肥仔自言今次是一個自肥的MV，他與Candy會有「感情戲」，至於劇情內容，就要睇過MV才知道。肥仔亦坦言擔心Candy在MV 舞步上難Pick Up，不過看她落力排練，也忍不住讚她大有進步：「有段Dance Break，開頭都有問Candy會唔會覺得太難跳，都可以選擇跳唔跳，但佢最終揀咗跳，咁佢就要自己攞條命出嚟！不過有難度先有挑戰，留喺Comfort Zone冇意思。」