林盛斌（Bob）同太太Pearl育有四個可愛嘅仔女，三個千金霏兒、熹兒、機兒以及一歲嘅細佬道申，一家六口幸福滿溢。今個農曆新年，阿Bob就帶住囝囝囡囡出外，全家齊齊著賀年衫拜年，相當搶眼！阿Bob笑稱：「帶住佢哋去拜年，同打劫冇乜分別。」網民留言話阿Bob好似帶咗支軍隊去逗利市。
作為一家之主嘅阿Bob，就趁住新年展示父親嘅威嚴，要仔女跟住傳統盡孝道。阿Bob留言：「原來噚日漏咗呢個重要儀式，今朝晨早叫醒佢哋一定要做返。」
見Bob坐喺大廳中翹二郎腿，仔女要輪流上前向爸爸請安同講恭賀說話，先可得到爸爸嘅利市。一班小朋友明顯訓練有素，個個都笑容滿面，連細佬都識向爸爸「請請」， 氹得Bob十分開心。最後到老婆，亦應對方要求錫錫，本身霸氣嘅樣，即變得好和善。對住一屋寶貝，又點會惡得落，難怪Bob都話：「你睇吓我幾威！得呢兩三日可以威吓㗎咋…..」
圖片來源：林盛斌@Instagram