電視劇《叠影狙擊》日前拍攝一場，黃宗澤（Bosco）被繩索勒頸、禁錮在貨倉半天吊的戲分，雖然周秀娜（Chrissie）及時出現營救，卻被飾演殺手的盧慧敏（Amy）從後施襲，兩女更因為Bosco而大打出手。Chrissie搞笑指自己是男人，營救「美人」Bosco合情合理。二人在公在私老友鬼鬼，拍攝時亦默契十足，但原來她險傷Bosco重要部位卻懵然不知。 Bosco說：「其實我兩邊大髀罅有安全帶連住條威也，對腳其實唔可以合埋，但你剛才衝埋嚟，攬實夾埋我對腳，真係好痛，但拍嘅時候，我唔敢話你知，唔想嚇你。」
另外，第一次拍動作戲的Amy表現緊張，一早便到達拍攝場地練習動作，但意外永遠是意料之外，當Amy與Chrissie試位時，便意外打中對方的嘴唇，令Amy的壓力倍增，她說：「今日嘅對手係周秀娜，我哋係未試過有任何對手戲，大家初初認識，一埋位就要打，剛才試位嘅時候，可能未試到好準，所以佢嘴唇食咗我一拳，好在冇受傷，但我寧願自己俾人打，原來真係會好大壓力，希望日後可以儲到更多經驗，因為要有信心，打出嚟嘅動作先會靚。」
至於拍動作戲經驗豐富的Chrissie，當日要拍攝吊威也半空轉、踢腿高難度動作，武術指導原本提議由替身代勞，但Chrissie堅持親身上陣，非常專業。當她知道Amy跟她拍打戲大壓力，不忘給對方鼓勵說話：「通常打人嗰個會大壓力，因為驚整傷對方，但我有同Amy講，我有晒保護墊，叫佢放膽，但佢太斯文，唔敢打落嚟，諗番以前我做新人嘅時候都係咁，但好在當時啲對手係男人，我可以出力打落去。」