Advertisement

法證先鋒V|蔡潔難忘「赤裸」瞓鋼板牀一刻 關楚耀憑感覺演奸角過足戲癮

本地
2022.12.03

316845332_861963161605126_7057396854786948352_n

無綫台慶劇《法證先鋒V》,前晚(1日)及昨晚的劇情圍繞「十八層地獄殺人案」作為主線,董應偉(關楚耀飾)與卜大山(易智遠飾)因貧富懸殊等問題,對三名豪宅住戶動了殺機,先後以殘忍的「冰山地獄」、「血池地獄」及「火山地獄」手法予以殺害,更將之視為藝術。Dr. Fan(蔡潔飾)調查期間意外揭發位於舊樓天台的大型地獄壁畫,遭大山綁架並欲對其施予「孽鏡地獄」酷刑,幸而余Sir(黃宗澤飾)及井Sir(袁偉豪飾)及時趕至。大山死後,原本與Dr. Fan有感情線的應偉直闖女方工作間並將其迷暈,更企圖以「磔刑地獄」將Dr. Fan折磨致死,最後Dr. Fan鬆脫手銬將應偉殺死。

蔡潔談到兩場綁架戲,坦言十分難忘,尤其是解剖室的「赤裸」場口,因為拍攝時是大冬天,「拍嗰度係劇集主景之一,喺嗰度我拍咗好多解剖屍體嘅場口,咁啱就喺最凍嗰幾日要拍晒佢。喺嗰度我有大量喊戲,嗰段日子好似入咗個時間房間咁,不斷解剖同不斷喊。」蔡潔大讚扮演屍體的演員很專業:「因為佢哋唔能夠著衫,仲要瞓上張鋼板牀,就算現場有暖風機暖住,依然都係超凍。我好記得有幾位演員係要濕晒咁瞓上去,佢哋一Cut機係凍到係咁震,但一話Roll機真係可以完全唔郁,我好佩服佢哋,好敬業。」

32

蔡潔回憶當自己瞓上鋼板牀一刻,除了心想「你都有今日喇」,亦大嘆場口難度高:「因為我雙手都俾人綁住、個口又封住咗,我作為一個活生生嘅人係咁俾人𠝹,要靠對眼同僅有嘅肢體語言去演繹好痛,好想大叫但叫唔到,同埋好驚嘅狀態。嗰場戲拍咗成日,我就喊咗成日,拍完對眼腫晒。」蔡潔的另一場被綁戲,大讚道具製作用心:「我喺現場都覺得佈置得好靚,拍出嚟好有美感。因為啲鏡有弧度,我自己瞓喺度睇自己時,我喺唔同嘅鏡入面見到我個人係好扭曲,變相呢種影象好脗合到個罪犯嘅心理同埋嗰種壓抑感,所以個Setting係好精彩。」對於一晚被綁兩次,蔡潔笑言最大難度竟是保持靚樣,「瞓喺度拍戲最大挑戰係好難拍得靚,我覺得自己個頭向上好醜樣,所以全程都要留意住點樣瞓得可以靚少少。」

 

另外,今次一嘗演大壞蛋滋味的關楚耀(Kelvin),笑言過足戲癮:「多謝導演信任,俾我自由發揮做啲好冇表情,但內心又好矛盾嘅戲。好多時我都係去到現場憑感覺去演,所以好多時演出嚟都係啲冇預計過嘅反應同動作,所以好好玩,亦都充份表現到自己現實中最黑暗嗰一面。」Kelvin坦言綁架蔡潔戲份感到很大壓力,皆因是最緊要快手:「佢喺現場著得好少布,但又要瞓喺嗰張鋼牀度真係好凍、好辛苦,所以我好想快啲解決咗件事。」

姜濤 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹