梁諾妍(Inez)去年12月誕下女兒「洪寶寶」,眨眼間梁諾妍已完成坐月,可以出更做運動喇。
一向熱愛做運動嘅梁諾妍直言近幾個月都冇郁過,坐完月除咗出關shopping,第二件事就係重新去享受跑步樂趣。
梁諾妍:「產後過了足5星期,開刀嘅傷口都好返好多啦,當然都未100% 好返晒(好睇每個人嘅修復能力)了解到自己的能力,決定由今日開始慢慢pick up返做運動嘅節奏,由於真係好幾個月冇郁過,身體都流失咗好多肌肉,成個身體要從頭再訓練過啦!(其實我都幾興奮😆)希望產後媽媽們同運動初學者,同我一齊努力,一齊培養一個做運動嘅習慣。今日係我產後get back to workout day 1!Molly 陪我散步散咗一個鐘好sweet,但係我覺得Molly 嫌我行得慢,媽媽會努力㗎啦!」
圖片來源:梁諾妍@Instagram