林家謙首次在英國倫敦舉行了「L*underground」演唱會，移民英國的黃偉文（Wyman）、好友Serrini，以及他的家人均有捧場。家謙為了倫敦的觀眾，特別唱了《One Way》，又因演出當日時近重陽節，他揀了《重陽》一曲，讓負責填詞的Wyman感動不矣。Wyman看騷後在網上貼了合照，表示7月時收到家謙邀請睇騷，當知道是重陽前一日，即問家謙：「咁你會唔會唱……」當時家謙指要同導演研究，結果這晚家謙真的唱了《重陽》，令他十分感動，因為這是Wyman自己的私房歌，有特別感情，所以特別想負責作曲的「生父（林家謙）」唱一次，為他圓夢。
家謙向倫敦觀眾表示，決定開騷前其實心情好忐忑，「唔係講笑，我係掙扎咗好耐，猶豫咗好幾個月，因為開O2 Arena（ O2體育館）對我嚟講真係太遙不可及，自己有少少唔係太qualified（勝任），喺香港以外開一個大嘅場館，我覺得其實好難㗎，都淆底㗎，即係要掟壽包呀嘛，唔想…..但很感激大家不相信我和團隊的渺小，跨過萬里一起築起我們的L*underground小國，今次呢架列車代表我哋生命嘅旅程，出世就由underground開始，慢慢去達到唔同嘅高度，慢慢開始遁地飛天咁流離喺呢個世界，經歷各式各樣嘅高低。我哋喺呢一刻，可能身處唔同地方，感覺未必好有依歸，但我覺得呢個世界好似繽紛樂園，任你行，所以好好捉緊每一個留腳印嘅機會。」
除了演唱會，家謙來到英國第一天已經周圍行，並非常搞鬼於地鐵月台上，先行預演了一小段歌舞。演出當天，他又遇上隧道封閉，本來去場館五分鐘的車程，變成一個鐘，於是他馬上就決定改乘地鐵，並且喺地鐵月台上錄影了一條通知觀眾交通情況的影片，好搞笑！