李幸倪（Gin Lee）早前透露正積極籌備官方歌迷會，日前她於IG live宣布她的官方歌迷會「GLFC」App正式上架，是少有以App形式成立歌迷會的香港歌手。Gin坦言開發這個App是很希望有一個屬於她跟fans的平台，凝聚大家的力量，「我又可以認識佢哋多啲，嚟緊亦都會舉辦多啲唔同嘅活動，見吓佢哋，同佢哋拉近距離，亦都多謝佢哋扶持咗我咁多年。」
為了這個平台，Gin事事親力親為，除了I.T.的部分，訂貨入貨、會tee設計等等，都落手落腳去做，「用咗好多精力同時間，真係好似一日返幾份工，去搞去跟進，總之好誇張，每一隻字我都要睇過，幫手翻譯，好多好多想像唔到嘅嘢，希望大家可以感受到我嘅誠意。」
有fans問到她新年的如何度過，她指自己每年農曆新年都要放假，因為全世界都在放，但今年年初一便要開工，可謂打破自己紀錄，「今年大年初一要錄音，因為夾唔到期，所以對我嚟講都係一個好大嘅『犧牲』。」她透露歌曲於農曆年後推出，有fans問到幾時開騷，她便大賣關子，「自己個人騷就下年啦，但今年都會有騷，係同人合作嘅，而家唔講得，大家好快就知。」原來她將會聯同梁業＠ERROR、JAY FUNG、JEREMY@MIRROR開商台2024年第一場拉濶音樂會.