Advertisement

李佳芯執導慈善短片點擊過十萬 通芯粉出動大型車穿梭港九應援

本地
2022.09.25

image4

李佳芯(Ali)為慈善機構「耆智園」製作的短片《伴》,於其YouTube頻道首播至今一周已錄得逾11萬點擊率,成功為宣傳關注腦退化症出一分力。而一班通芯粉(Ali粉絲稱呼)自資出動大型應援車,趁今個周末及周日停泊在尖沙咀及銅鑼灣。

ali03

她在個人社交媒體不忘向粉絲「謝票」,更透露正在蘊釀進行新計劃,「看似閑適的躺着,可腦海已浮現下個project的藍圖。才發現,這幾年沒停下腳步、也沒停止學習,最近也終於感受到網絡平台的威力。腦退化症短片《伴》短短數天有差不多100K點擊。製作花絮片段亦已上載,謝謝大家的支持。還沒細想往後如何經營,相信,心會給予答案,然後,盡力於每個當下。」

ali04
Ali重提能夠促成今次慈善合作,一切也源於與影迷會的慈善探訪,「當年同Fans Club去做義工參觀耆智園院舍,突然有一個女粉絲喊,原來佢婆婆早一年因為腦退化症而過身,令到佢觸景傷情。經過呢件事後,同好多朋友傾開偈,開始發現身邊好多人嘅屋企人都有腦退化症,原來一個咁普遍嘅病,一直好多人都輕視咗,或者唔認識呢個病。我就開始有個想法,不如拍一條講腦退化嘅片,令大眾多啲關注呢個病患。」

image6

首次身兼演員、導演、監製及編劇四職的 Ali 回想拍攝當日考驗重重,並笑言簡直是「精神分裂」:「因為我哋得一日嘅拍攝時間,我呢一邊廂要做導演決定好多鏡頭拍攝,諗埋後期剪接,另一邊廂我就要代入演員角色,嗰日簡直係精神分裂咁。」數到最難忘一幕,Ali 表示最深刻是與張同祖的一幕吃飯戲,劇情講述飾演父親的祖哥因患有腦退化症,在吃飯時誤將魚當成蝦,身為女兒的 Ali 不但沒有反駁,反而一起「將錯就錯」,「我記得呢場戲係同祖哥即場構思出嚟,想用電影橋段帶出照顧者與被照顧者嘅日常,可能好多照顧者遇到呢個情況會覺得好麻煩,係一個負累。但一念之間諗吓其實對方都係你屋企人,有呢個病佢都唔想,呢個時候應該要大家好好諒解,照顧者要搵一個自己堅持下去嘅方式開心過日子。」

ali01

而今次 Ali 得到不少幕後朋友仗義幫忙,其中更邀請到與她份屬好友的楊潮凱掌鏡拍攝劇照。去年,Ali 曾力撐潮凱首次執導的處男電影,今次潮凱反過來助對方完成處女作,兩位新晉導演可謂惺惺相惜,可是 Ali 笑言最後發現每張照片都是眉頭深鎖:「我張張相都皺晒眉,冇笑容,未見過自己呢個樣。可能因為我當時精神極度緊張 ,完全分唔到心,發現做幕後真係唔容易。」

ali05

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹