張敬軒昨日（26日）獲邀出席AI營銷會議，軒仔於會談中分享AI對娛樂行業、音樂、藝術等創意工業的影響。他坦言這十年中最大的恆常收入並非來自音樂，而是Social Media。過去一年於社交平台見到很多「AI尹光」、「AI張敬軒」等不同的AI藝人，都是一些好的嘗試，但同時自己亦存在矛盾，軒仔說︰「作為網民、消費者、用家嘅角度，AI嘅存在一定令到我哋嘅生活各方面嘅層面好方便；另一方面作為從業者、版權持有人，我哋見到嘅係一啲令我哋不安嘅未來。譬如copyright問題點去解決呢？唔同範疇嘅版權，呢啲可能會顯伸一啲再大啲嘅議題。」
活動中，軒仔與主辦方準備了一小段由「AI張敬軒」演繹的《Amazing Grace》於座談會上播放，軒仔聽完後驚訝說︰「呢個係咪我嚟㗎？通過某一個骨架，再結合張敬軒對樂句、對咬字嘅處理而生成嘅一段AI嘅sound bite。」播放後，台下觀眾報以掌聲，軒仔笑說代「AI張敬軒」多謝大家的掌聲。他笑指雖然AI張敬軒聲線酷似自己，但他的震音並非如此，更即席獻唱令台下觀眾起哄呼歡。