袁偉豪及張振朗今日為節目《歐洲鐵騎遊》宣傳，兩人表示第一次真正合作，由於路途遙遠，十多日旅程共揸了二千多公里，袁偉豪：「今次飛機同車程路途程遠，我為免怕腰骨辛苦，所以飛機來回我都自費加錢，盡量坐得舒服少少，到埗後頭幾日大家都未必協調好，所以都試過在法國迷路，差不多兩小時才追返大隊，好彩出發前自己買咗一些器材，將電話set在車頭導航，始終人生路不熟，一出錯路口就唔知點兜返去，都好緊張。」更加試過遇上黑雨全身濕透，「試過幾次落大雨，有次邊揸邊覺得愈來愈涼浸浸，pat pat都開始濕晒，最後發覺原來我忘記拉側邊褲鏈，搞到褲袋開始入晒水濕晒。」
至於張振朗經過此行後更熱愛揸電單車，「全程真係好爽，公司出錢俾我去歐洲玩幾日，又可以揸電單車，雖然辛苦但好係有樂趣。（連人帶車跌落地？）好少事，好彩無咩受傷，意外在我身上已經習以為常，最難忘落大雨，因為香港落雨通常都唔揸，但外國一落就黑雨咁，我哋都要繼續揸，真係由頭濕到腳。」