MIRROR成員姜濤、盧瀚霆（Anson Lo）、李駿傑（Jeremy）、和呂爵安（Edan），聯同馮允謙及周國賢，今天（12日）出席《CHILL GENKI音樂祭》記者會。
有傳MIRROR缺席商台的叱咤頒獎禮記者會，以及明年元旦的叱咤頒獎禮。Jeremy雖然希望參加一年一度的大事，但已經知道MIRROR在元旦有工作安排，而未能出席。Jeremy被問到會否擔心缺席頒獎禮可能會沒有獎時，坦言獎項只是一個Bonus，「有獎梗係最開心，冇獎嘅都會Keep住繼續做，咁下年繼續努力，年年都要繼續努力。」姜濤、Anson Lo、Edan都異口同聲表示與Jeremy看法一致。
有「鏡粉」因MIRROR缺席叱咤，在網上留言表示開心，因為不用太辛苦，Jeremy表示知道粉絲好辛苦，「就算唔止係叱咤，每一次Event大家都好辛苦見我哋，但辛苦得嚟大家都開心，感受到佢哋嘅愛，最緊要係成件事攞到大家攞到想要嘅嘢，我哋可以畀到情緒價值佢哋，又可以畀到愛佢哋，佢哋又畀番愛我哋，希望大家開心追星最好。」
