古巨基（基仔）最近為銀行代言拍攝廣告，廣告中驚現兒子Kuson，原來是Kuson嬰兒時的影片，可算是首次父子「同框」出現在廣告，非常值得紀念。今次用到Kuson的影片，原來是導演看過基仔IG曾經分享過兒子嬰兒時的片段，於是提出可否借用片段讓基仔作為父親的角色更寫實。基仔說：「我諗反正已經喺社交平台分享過，所以就答應咗。係Kuson BB仔時的影片，再次重溫呢啲片段，仍然係充滿感動。我記得當年抱住剛出世嘅Kuson，佢好細隻又輕，我細細聲同佢講：『歡迎你啊，我哋等咗你好耐啦。』個份感動係一世都咁深刻。」
拍廣告當日，Kuson也有到場探爸爸班，基仔說：「到時廣告出街我會叫佢睇。佢認唔認得嗰個係佢？佢認得㗎，佢成日都翻睇我哋手機佢BB時候嘅影片，成日自己睇到笑。」問到基仔兒子長大後，會否讓他入行？他表示：「吓？仲有咁長遠，而家先幾歲，第時佢想做邊個行業佢自己自由選擇啦，只要佢做自己喜歡嘅事先係真正幸福，佢而家最鍾意嘅係畫畫同埋唱歌同埋玩車車。」
