MIRROR的盧瀚霆（Anson Lo）與呂爵安（Edan）早前為日本手造眼鏡店拍攝宣傳照。他們拍攝期間，刻意逃避對方眼神，Edan笑謂：「真係唔可以同總裁（Anson Lo於港版《社內相親》角色）對望，我唔敢正眼望佢，咁有型，一望就會變返情深款款嘅田牧（《大叔的愛》CP組合角色）！」
拍攝當日，Anson Lo分別示範灰色與褐色大褸，盡顯「總裁」的時尚貴氣，無論是深色還是淺色鏡框，同樣零難度：「我平時多數戴黑色鏡框，感覺百搭啲，今次試咗呢個銀色框，發現原來都好好襯，以後都要試多啲唔同嘅眼鏡造型。」
向來喜歡以眼鏡造型示人的Edan，於拍攝現場看到林林總總的手工鏡框時興奮說：「真係好似走咗入藝術館咁，手工製作唔係容易嘅事，仲要係日本職人造，感覺更加矜貴。我自己都好鍾意手工嘢，見到嗰件產品會諗起造嗰個人，要花幾多時間同心機先可以完成，有時爵屎都會親手整啲禮物俾我，真係好感動，不過又唔想佢哋咁辛苦。」