無綫歌唱真人騷《中年好聲音2》明晚（29日）播出一集是第三部曲《三十強團戰！力爭全員出線！》，30強將分成6組進行比賽，每隊隊長由首兩個回合合計獲得最多燈數的選手擔任，Eric Kwok則擔任星級導師。今集將會淘汰4位選手，獲得第4和第5名的兩隊分別淘汰1人，獲得第6名的隊伍則要淘汰2人。
6組選手以回合獻唱歌曲為隊名，分組名單如下：《那些年》隊：劉可（隊長）、黃劍文、沈宗賢、袁思樂、鄭梓浩；《Memory》隊：安雅希（隊長）、王學琳、曾蜜詩、王玥、林若盈；《越唱越強》隊：陳俞霏（隊長）、劉肇文、林偉璣、譚權輝、周碧嘉；《路黑山高錫人夜》隊：陳燕娜（隊長）、麥素華、簡潔明、陳麗媚、李振鵬；《我要》隊：陳蒨葶（隊長）、古淖文、尹新杰、鄔慧芳、李榮耀；至於《如果我是陳奕迅》隊，由於梁浩賢和顏米羔首兩回合合計燈數同樣是9燈，兩人齊齊擔任隊長，劉威煌、譚輝智和朱博文則為該組隊員。
綜觀上述分組名單，單睇牌面實力最強一隊非《如果我是陳奕迅》隊莫屬，皆因所有選手均曾獲得5燈佳績，堪稱「5燈戰隊」！全男班組成的《如果我是陳奕迅》隊十分團結，隊長之一的顏米羔笑言：「全男班，卜卜脆夠直接！」以潮爆軍裝風上陣的5位型男將挑戰機械舞，譚輝智唱得但唔多跳得，動作和表情都比較生硬，Eric Kwok笑言：「我叫佢條眉（表情）要狠啲，但個樣出嚟好似睇唔到嘢咁！」
而由全女班組成的《Memory》隊，雖然有實力唱將安雅希加持，但由於還未正式比賽已爆發矛盾，令五名成員陷入重大危機，首當其衝的更是熱門之一的安雅希！在首次團練時，Eric Kwok便問大家服不服隊長安雅希，安雅希當時略顯不太自信說：「都OK嘅。」怎料話口未完，甚有主見的曾蜜詩即不時提出意見瘋狂Challenge安雅希，就連去到最後綵排時兩人仍然爭拗不休，氣氛緊張！Eric Kwok亦直指《Memory》隊勢危：「6隊之中最大危機係佢哋，曾蜜詩好有自己意見，想要乜就要乜，反而佢似隊長多啲。」曾蜜詩坦言：「隊長係有啲Laid Back（不着急）！我哋都有好多idea，咪一齊討論睇吓邊個idea嘅end result最好。」至於安雅希則大嗌投降：「我覺得團戰其實唔可以有太多自己Personality，坦白講我唔係好想做隊長，我Fire我自己！」
另邊廂《路黑山高錫人夜》隊同樣爆發矛盾，隊長陳燕娜和隊員麥素華出現意見分歧，燕娜坦言：「幾位阿姐都係好有主見嘅人，尤其係素華。」Eric Kwok亦直指該組感覺「唔係特別和諧。」
