《中年好聲音》於周日（1日）播出最新一集，上回合獻唱《無言感激》的殘障人士柳冕，其充滿生命力的演出感動不少網友，他今次將獻唱林子祥的《擁抱》，獲伍仲衡大讚：「你唱歌好舒服，我聽得好Relax。」呂方則說：「自然淡定，將歌詞內容唱出嚟，好似講緊（故仔）俾你聽咁，咁就令到我好舒服，唔需要好多高音同技巧。」
柳冕坦言可以重拾自信登上舞台，全靠兒子的啟發及幫助，他說：「細個送佢返學，永遠都係早一條街放低佢，等工人姐姐接手送埋剩低段路，因為我驚佢嘅同學、老師同其他家長見到佢有個傷殘嘅爸爸，會俾說話佢聽同歧視佢。」最終兒子的一個窩心舉動，令柳冕終成功衝破心理關口，「有一次我接佢放學，佢好遠就行過嚟嗌爸爸，咁啱有個同學喺度，佢就同同學介紹話：『呢個係我爸爸』，嗰時聽到係好開心同感動，我個仔都唔介意，點解我要介意人哋眼光？」感性的肥媽即被柳冕的故事感動得流下淚水。
