吳大強、區瑞強和占士丁丁都好鍾意唱英文哥。
區瑞強（Albert）今日（24日）與吳大強（Bill）和占士丁丁（Dan James）舉行記者會，公布將於明年1月16及17日舉行《區瑞強三生有幸英文經典演唱會2026》詳情。Albert於會上跟吳大強和占士丁丁獻唱《Devoted to you》，合照時Albert見占士丁丁高了一截，即場教他擘腿廣東話，順便遷就大家高度，丁丁一學就識，場面搞笑。
已連續第3年舉行全英文歌演唱會，Albert坦言之前兩次都非常受歡迎，並表示英文歌在香港音樂歷史早已存在，希望能夠推廣傳統，「以前未有廣東歌時候，大家都聽英文歌長大，但呢幾十年唱英文歌嘅人愈來愈少，聽英文歌方法同機會，亦都愈嚟愈少，喺現場演繹就更加難，我唱咗幾十年英文歌，我做電台亦發覺好多人仍然鍾意聽經典英文歌，仲係啲70、80年代經典英文歌。」
講到邀請吳大強和占士丁丁合作，Albert首先多得《中年好聲音》發掘這2位好歌手，又認為他們已非小朋友，唱經典英文歌的感情運用會更佳，「講真唔係每個識英文嘅歌手，都可以唱到英文歌，係要唱英文成長嘅人，所以《中年好聲音》呢2位絕無僅有，今次好開心邀請到佢哋合作，享受我哋成長嘅英文歌。」
跟Albert第6度合作的吳大強，直言每次合作都給他很多啟發，對於再合作感興奮，因為他們都好鍾意唱英文歌，合作得特別愉快。首度跟Albert合作的占士丁丁，很開心獲對方肯定：「參加《中年好聲音3》都係Uncle Bill鼓勵我，而Albert哥《中年好聲音3》都係現場做DJ，同佢哋合作一定可以學到好多嘢。」
