顏卓靈（Cherry）早前參加內地真人騷《演員請就位》，日前獲邀出席節目頒獎典禮直播，支持其所屬的趙薇戰隊。在節目中只作戲劇表演的Cherry，於頒獎典禮上首次表演唱歌，為大家帶來驚喜。
Cherry翻唱王菲的《致青春》，獲得其他嘉賓及收音老師稱讚說：「原來你唱歌這麼好聽！」，更有一位喜劇嘉賓聽到Cherry歌聲後，在台下大喊：「顏卓靈，原來你唱得㗎喎！」Cherry喜說：「好榮幸可以係咁大嘅舞台，翻唱神級歌手嘅歌！希望以後有更多唱歌的機會。」
談到拍攝真人騷的難度，Cherry說從沒試過在這麼高壓和時間緊迫的情況下，不眠不休拍攝，她坦言：「我從來冇諗過自己可以係咁短時間，係毫無準備嘅情況下，被人指派演某個角色，做一場最難嘅喊戲。如果係平時嘅我，接到咁嘅演出邀請，我一定覺得自己handle唔到，真係要特別多謝趙微導演。」
在頒獎禮上Cherry亦作出新嘗試，她穿上黑光鵝毛晚裝向電影《黑天鵝》致敬，Cherry表示：「《黑天鵝》某程度上代表自己一些經歷和想法，我拍《狂舞派》出身，同樣都是舞蹈電影，另外《黑天鵝》好focus係女性心理，如果有日我做到導演，有屬於自己嘅電影，都希望係好深入講關於女性，亦希望自己可以拍到Natalie Portman由乖乖女變成壞女孩嘅巨大反差電影。」
