蔡瀚億（BabyJohn）與太太Dount結婚十周年，今年亦是BabyJohn在演藝圈踏入第十個年頭。昨天（23日）他舉辦了一個以懷舊 80年代為主題的派對與好友一同慶祝這個特別的「雙十」紀念，派對入面《狂舞派》一眾演員楊樂文（Lokman）、顏卓靈等均有一同慶賀。
BabyJohn在社交網分享與太太的甜蜜照片，表示覺得10年時間過得好快，他寫上：「如果要以每一個『10年』作為人生階段嘅分界線，其實只係佔好少部分，依家回想好感恩自己當年選擇事業起步同時跟另一半結婚，兩者一同踏入新階段，如果唔係有太太嘅支持，我未必能撐過事業上峰迴路轉嘅歷程。」他更向老婆Sweet爆表示：「繽紛嘅樂園遊玩過，安然沉穩嘅山水亦靜待過，能夠繼續和您經歷每時每刻嘅風景，最重要係健康喺一齊，就滿足，錫婚幸福快樂。」
BabyJohn於2013 年演出電影《狂舞派》出道，憑着該電影「柒良」一角獲得香港電影金像獎最佳新演員獎，及後片約及工作不斷。他於 2019 年自組工作室，之後除了恆常在《宵夜》節目做主持外，最希望能繼續以演員身份拍攝電影及劇集。
相片來源：蔡瀚億@Instagram