何伯何太無懼攻擊再上節目。
《東張西望》自報道76歲何伯，與來自內地的46歲「新何太」閃婚後，何伯與5名子女反目成仇，二人上《東張》就何伯與細女開的聯名戶口，當中450萬元全數被細女提取作出申訴。何太在接受訪問時除跟何伯情深款款，又傷心爆喊但沒眼淚外，還曬出一身珠光寶氣，包括鑽石戒指、勞力士手錶、珍珠頸鏈、名牌包包等總值逾30萬元的結婚禮物，事件隨即轟動全港，整個星期都在網上引發海嘯式討論，就連「福祿壽」的李思捷和阮兆祥都來扮演何生何太，笑爆網民。
就何太嫁何伯是真愛定為錢？何伯何太面對連串攻擊，今晚將再度現身《東張》，在釋出的預告片中，何太理直氣壯說：「冇呢回事囉！！我點解要當佢獵物呀？我當佢係寶好唔好呀？啊！真係奇怪㗎啲人！」對5子女因何伯再婚反面，何太說：「佢再娶，個女人唔係我，佢哋一樣反對！」何伯亦認同，並斥子女為爭遺產；何太說：「因為我名正言順，成為咗合法夫妻嘅話，咁佢就冇咗繼承權，所以佢哋咪先下手為強！」對於被指飲「迷魂湯」，何伯反駁：「佢成日煲湯俾我飲，個個都話『飲死你呀，有毒㗎啲湯』，飲死我？愈飲愈精神。」
何伯何太堅持風雨同路。
