由李璨琛（Sam）監製的電影《大盜演》將於賀歲檔上映，聖誕節將至，阿Sam帶同1歲的囡囡Lucy，以及一眾演員姜文杰、樂瞳、潘伯仲和鄺家瑜（MaryJane）報佳音，而小山Lucy更身穿聖誕服飾現身，讓哥哥姐姐爭相與她合照，相當受歡迎！
眼見Lucy一出現即成鋒頭躉，Sam直言：「成立公司後會簽新人，好開心簽咗年紀最細既新人Lucy，佢知爸爸有新戲，仲自薦做宣傳！」
Sam表示今次電影起用了不少新人，而出道已多年的樂瞳也禁不住笑言：「其實我都係新人，電影界嘅新人，好多謝監製俾呢個機會我，重係演阿Sam分咗居嘅老婆，下次可否再找我？」Sam回應說：「好啦！下次你就來做奶媽⋯⋯哈哈！應該話做保姆。」樂瞳話：「奶媽我都ok，照顧曬大家！」至於姜文杰就說：「細細個就聽Sam哥啲歌，幻想過日後可以同佢一齊合作就好啦！今次在電影主題曲《Keep Rolling》可以一齊唱，真係好興奮！」
繼創業作《大盜演》之後，Sam透露公司將有一連串的計劃，「嚟緊公司想開兩部電影，一套由姜文杰負責策劃的音樂電影，另一套目標係《香港製造2020》，會嘗試做導演，現在努力當中，希望出年同大家齊上齊落！」
