「細細粒」陳嘉佳去年宣布減肥，今年2月，人生首次穿上泳裝為《明周》拍攝封面，當時報告體重165磅，經過三個月的努力後，５月10日，細細粒報告體重已到達目標130磅，不過，始終在短時間內減肥，皮膚鬆弛的問題仍有待改善，細細粒承諾成功達標便會穿上三點式，但她亦希望在每個階段為自己留下紀念，這次「130磅」，她就拍攝了一輯婚紗照。
這次穿婚紗，不是為了工作、不是為拍劇拍戲，細細粒說︰「都想在每個階段好好紀錄，有日上磅見到130磅，便即興影一輯婚紗相，唔係為工作拍戲。」5月29日生日的細細粒，在39歲前完成一項人生清單，「本來以為會在40歲前發生，但最後39歲都做咗一個算係打破宿命嘅事，好開心，不過我仲減緊，希望可以再減少少去到120磅，但呢10磅就要慢慢嚟，因為想皮膚都跟得上個節奏，連啲皮都想收得靚啲，咁我就可以影比堅尼喇！」
母胎單身的細細粒，這次穿上婚紗有沒有恨嫁？「《明周》出咗之後，又好似桃花好咗，有時唔係人哋問題，我都要有咁嘅心先得，慢慢學習，我唔急嘅！」
香港推出網上平台
肥嘟嘟一向是細細粒的標誌，減肥之後，會否擔心失去獨特標誌？「我出道都十年，拍《老表》時是14年，以前拍劇拍電影，塑造咗一個開心果形象，雖然依家瘦咗，但性格都冇變，繼續給人感覺開心、正面、健康。我覺得直播事業，某程度上都可以帶俾人歡樂，依家人又瘦咗又靚咗，好似連講嘢都聰明咗！」近日細細粒除了專注直播事業外，還在香港推出網上平台，補充劑、生活產品食品、零食都有，細細粒說︰「全部自己都用過覺得好嘅！」