由關智斌（Kenny）主理的網上節目《斌菲特訓班》昨晚（5日）播出的一集，找來鍾情投資兼時有斬獲的七師傅，以玄學角度跟大家分享投資的小貼士。Kenny特意買了果籃到七師傅位於西貢獨立屋豪宅拜訪。七師傅一開門見到Kenny，即熱情招呼，更全程撓着他的手臂，帶他到屋內參觀。隨後七師傅便拿了一條足金金條出來，表示要沖水給Kenny飲，她說：「呢個係純金嚟㗎，差唔多二十萬嘅純金，用嚟浸啲水俾你飲吖。」聽到金條的價值，Kenny立時瞪大雙眼並倒抽一口涼氣，七師傅續說：「我要洗吓，乾淨啲呀，因為平時都攞腳去踩佢㗎。」Kenny好奇問：「呢個你每日都飲㗎嘛？」但七師傅表示自己是喝另一條更大的金條。
七師傅在廳中隨意拿起多條小金條給Kenny，「啲客嚟到我屋企都係玩金㗎，呢啲就係玩具嚟㗎，玩吓先啦。」接過金條的Kenny即說：「嘩！真係好墜手呀！」沖好水後，熱情的七師傅親自餵Kenny飲水，「Kenny我餵你飲，我知道你唔敢飲，唔使驚唔使驚。What do you feel呀？」Kenny說：「嘩！好多礦物質呀！I feel so blessed！」
之後，Kenny請教七師傅，什麼是「九運」？又問自己適合什麼行業等等問題，七師傅都逐一解說：「見到你個八字都係缺一啲火嘅元素，九運係屬火，對娛樂行業、美容行業都旺、網絡、電子、電腦都係屬火。你都適合做一啲按摩，如果我真係指一條光明大路俾你，你就要做養生按摩一類，你一定賺好多錢！」Kenny即說：「原來我入錯行！幫人出火、出骨火。」七師傅又指出Kenny需要偏財，並針對女人下手，特別是中女，命格中會得到很多女人幫助，Kenny深表認同，「我公司幾個高層全部都係女人！」七師傅立即教路，「所以你要圍住女人轉，中女你就黐過去！」