Advertisement

解鎖死前完成清單 楊潮凱紐西蘭跳傘克服畏高

本地
2024.02.23
撰文:王崇頴
楊潮凱自言有畏高,Sky Dive簡直是人生最大挑戰。
楊潮凱自言有畏高,Sky Dive簡直是人生最大挑戰。

引言:
楊潮凱去年一家三口出發到紐西蘭旅遊,除了享受大自然美景外,有妻女的他更挑戰自己,大膽一嘗Sky Dive,為自己人生寫下其中一個bucket list(死前要完成清單)。
雖然只有數分鐘的體驗,但已令楊潮凱領悟不一樣的人生體會,「開頭真的很驚,但跳落去後就很enjoy。原來好多時候,只是被自己的恐懼去嚇怕自己,不敢去做,但當你真正實行的時候,原來沒有想像中恐懼!人生苦短,想做就快做啦!」


1. Sky Dive
「疫情期間,有一晚我瞓唔着,我喺度諗,假如自己明天不在人世,到底有咩想做?就係嗰一晚,我為自己人生寫咗一個bucket list !今個旅程我就實行咗其中一項Sky Dive(跳傘),對於畏高的人嚟講,簡直是人生最大挑戰,但我又真係好想挑戰自己,好想克服心魔,所以我同我自己講:『楊潮凱,如果你夠膽喺15,000呎高空跳落去,我相信之後你沒什麼事做不到!』我就是保持住這份信念,當飛機打開機門的一刻,給自己透一大啖氣,一躍而下!」


2. Waitomo Glow Worm Caves
在Waitomo(紐西蘭北島Waikato區)必到的地方,洞穴中的藍色銀河,數千隻螢火蟲亮起,讓你感覺彷彿置身於天文館中,凝視夜空中數千顆星星,場景壯觀。
「我哋參加了兩個tour,一個在Waitomo Cave(懷托摩洞穴),坐着小船在地下洞穴漆黑一片的環境中,頭上一大片星海,感受當中的寧靜,不得不讚嘆大自然的鬼斧神工;第二個tour在Ruakuri Cave(魯阿庫利洞),洞穴過程要自己行,大概一個半小時,最令我驚訝是女兒Catharine BB全程好留心聽導遊講解同全程自己行,行完表示蟲蟲啲光好靚呀!聽到真係好感動呀!」

3. Queenstown
「如果想一睹Queenstown(皇后鎮)的全景,除了坐直升機外,仲可以坐Skyline Gondola(空中觀光纜車),其實有少少似香港坐山頂纜車上凌霄閣,上到頂,向下望個風景真係一流,面對靚雪山景再食buffet,絕對十分享受。」

 

4.哈比村
「以前睇《The Lord of The Rings》最有印象就係哈比人村,因為故事初段就係由這裏開始,好多畫面都好深刻。今次親身去到當年拍攝嘅movie set,我好興奮,剛行入去時,好似用肉眼開咗一個環境大wide shot,跟電影一樣。Catharine BB當場攞起道具同我玩煮飯仔,佢最鍾意屋仔,因為大門好矮,大人不能進入,只有她才可以!」

5. Lake Tekapo
「由Queenstown出發,揸了大約三小時車程去到Lake Tekapo(特卡波湖),探訪世界七大星空保護區嘅壯觀無光害銀河。參加了當地一個dark sky project的tour,去到郊外地區觀星,全程都有領隊講解歷史及文化,講解唔同星星位置,南十字星及老人星,以及呢個地方嘅人,如何有效保持呢個地方嘅低光害環境。我好欣賞呢個地方嘅人,用心竭力去保護這片星空留給下一代人。在這個地方,最厲害的是,你只需閉上雙眼十秒,抬頭一望就可以看到銀河,真係靚得好誇張!」

 

6. Camper Van
「除咗玩直升機之外,今個旅程最開心就是Camper Van(露營車)度過一晚,夜晚望住一片星河食晚餐,特別有一番風味。未揸過大車嘅我,一直以為泊車的時候比較困難,但原來又冇我想像中難。最緊要出發前,申請返個國際牌,去到就可以揸,勁正!最開心絕對係Catharine BB,第一次瞓露營車,佢好興奮,所有事物都好新鮮,成日都話想再去多次。」

 

MIRROR 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹