由楊潮凱、梁凱晴（Carina）主持的無綫節目《咔嚓中歐》，昨晚（18日）一集，「入坑攝影」逾10年的潮凱繼續帶領攝影新手Carina穿越柏林大街小巷搜尋二手相機及嘗試不同攝影風格，享受拍照的樂趣。今集二人到訪柏林最知名的菲林沖曬店了解菲林處理過程。從未踏足沖曬店的Carina表現好奇，又與潮凱幫手切割菲林，Carina成功技能解鎖，反觀潮凱卻手多剪爛菲林，要急急向老闆道歉，場面搞笑。
身為2021年港姐亞軍的Carina特別化身「一日限定街拍女模」，讓該菲林沖曬店店主兼菲林發燒友Chris，及街頭攝影師Frankie做龍友，拍下Carina不同角度最美一刻。Carina亦非常投入，攞住公仔喪擺甫，又戴公仔冷帽賣萌，樣子甜美。值得一提的是，兩位攝影大師以非一般角度拍攝，照片並非半身或全身照，會近距離隨意按下快門、或只拍大頭及特寫，完全是free flow玩法。Carina坦言享受這種街拍模式：「我平時企定定影，佢哋影相手法同我以往見過嘅唔同，隨手或者我行過或者做啲動作都會影，後尾睇返啲相都好有感覺，好自然！」Carina亦坦言希望嘗試這種攝影風格。Carina又在柏林的麵包店當「外賣妹」，幫攝製隊買早餐，並與潮凱結伴歎杏仁角酥、車厘子果醬德式冬甩及梅子果醬德式冬甩等，十分識歎。
節目中，潮凱特別分享選購二手菲林相機要點，並曬冷帶到德國的「架生」，暢談菲林相機及鏡頭背後小故事，當中一部經常跟身的相機加鏡頭，現時巿價達10萬港幣！潮凱又透露其中一部相機是他「衰衝動」的後果：「有日拍完戲覺得演得唔好，唔開心去咗尖沙咀行街，就喺好唔理智情況下做咗好衝動嘅事情！」潮凱又搞笑叮囑製作組要刪走相關訪談片段：「唔好畀我老婆見到！」
