林盛斌（Bob）完成加拿大的棟篤笑巡演後，原定上周六（4日）到美國開騷，但因主辦單位在申請他與他的團隊相關簽證上出現失誤，遲遲未能起行，三藩市站亦被逼改到周三（8日）舉行。
由於他們至上周五仍未取得簽證，機票已一改再改，Bob也連日出Po表達無奈心情，及呼籲三藩市的觀眾幫手集氣；昨日他更貼上昨日生日的經理人Kaman，因事件感內疚和自責的爆喊抹淚照片……幸好今早，終於等到Bob的好消息，他在社交網貼上與團隊拿着已簽證的護照，就在領事館對面馬路來個開心合照！
Bob發長文表達這刻心情，留言：「正所謂，喺邊度跌低，喺邊度企返起身，過去呢段日子，心情真係好似坐過山車咁。其實今次申請美國簽證嘅過程，係一啲都唔容易嘅，因為當初主辦單位喺申請嘅過程出現延誤同失誤，我哋大家只好盡力去配合同補救，出現問題，解決；又出現問題，又解決；再出現問題，再解決；成件事可以用黐L咗線去形容！」
Bob續謂機票如何一改再改，又要通知三藩市觀眾改期，他說：「其實當時嘅決定，我哋承認，係再搏多一鋪嘅，因為，係有好大機會，呢兩日都係未必得嘅。最後，我哋齊心合力地將吸引力法則發揮到極致，喺一個極極極低嘅可能性情況下……呢一刻，我哋真係攞返個Passport，去到美國啦！」
以「實在太癲」來形容今次美國簽證事件薄的Bob，最後逐一多謝幫過手的人和菩薩，並謂最後決定原本明晚飛的他們再提早今晚飛，讓他們抵埗後可休息多一日，適應時差，及承諾一定要做個Good Show！