姜濤香港後援會於今日（23日），在主題樂園為偶像慶祝25歲生日，今日是姜濤農曆正日生日，姜糖齊齊獻唱生日歌及送上祝福。姜濤坦言過去兩年過得並不容易，經歷過高潮、低潮，「我甚至懷疑過，下一年嘅生日會，大家仲喺唔喺度呢？你哋繼續仲喺度支持我，相信你哋都好唔容易，我而家好多地方都做得唔足夠，可以再好啲，所以好多時都會覺得好對唔住大家，你哋同身邊人話中意姜濤，係唔係一件值得驕傲嘅事呢？」
姜濤表示會慢慢學習變成熟，同時提醒自己要保持出道時的初心，「要維持初心係一件好難既事，講就容易……希望在坐咁多位鍾意姜濤嘅，到將來我都老啦，可以變成留喺大家心目中嘅一粒種子，可以令我哋嘅下一代，都有一個追尋夢想嘅力量，你哋可以話俾身邊以後嘅人聽，有一個人都曾經成功過，嗰個人叫做姜濤，希望我哋身邊既下一代，都可以勇敢追尋夢想！」
更多生日會圖輯：
