情人節宣布佗二胎、現已懷孕九個月嘅楊洛婷（Rabee’a），早前同老公 Dear Jane 主音黃天翱 （Tim）拍攝一輯戶外浪漫性感大肚寫真，以慶祝二人相愛15周年紀念。
回想當初 Rabeea同Tim約會初期，二人都很喜歡到海灘拍拖睇日落、數星星，而第一次到海外度假都係陽光與海灘之旅。適逢相愛15周年紀念呢個咁特別嘅日子，所以今次嘅孕照都特別選擇番喺浪漫嘅海灘上拍攝。Rabee’a仲好有心思搵咗高級婚紗店幫佢度身訂造一條美人魚造型嘅孕婦晚裝裙，以突顯佢懷孕時期嘅迷人身段。
Rabee’a表示非常欣賞攝影師Hilary的嘅拍攝風格，她認為在Hilary嘅鏡頭下，每位女主角都特別「feminine」、「性感得來又不失優雅氣質」，而最重要嘅係「自然、不造作」，令人感覺很舒服。「我好喜歡Hilary 第一次為我影陀住大女時影嘅孕照，我覺得Hilary嘅作品既classic又充滿時尚感，令人百看不厭。所以當我知道再次懷孕，就立即邀請Hilary再為我哋拍攝，希望能為我及Tim嘅15周年留下難忘回憶。」Rabee’a 更大讚Hilary善用自然光作拍攝，輕易便能捕捉佢哋最輕鬆嘅情緒與及自然甜蜜嘅互動，每一張相片都好似在道出二人嘅甜蜜戀愛故事。
照片嘅另一主角Tim則開玩笑說，為咗拍攝這輯照片，佢都很努力keep fit，不過佢非常了解自己只是這輯大肚照嘅人型佈景板，老婆才是真正主角。Tim表示自己最近嘅工作非常忙碌，既要錄新歌，又要幫老婆拍YouTube videos同埋參予電影工作，但只要一有時間，就必然會留作照顧老婆同囡囡，盡顯廿四孝老公同好爸爸嘅一面。
Rabee’a預產期在6月尾7月頭，自從拍攝完這輯大肚照，她已再度全情投入為分娩作準備。由於選擇自然分娩，因此她自己也不知道到底BB會在那一天出世。而正在安胎的Rabee’a仲話無論老公有多忙，喺BB出世嘅時候，他一定要在現場拍攝低整個過程，第一時間為大家揭曉BB嘅性別。
