親子真人騷節目《媽媽是超人》於今日開播，而喺《爸爸去哪兒》萌爆嘅嗯哼就被邀請幫手唱主題曲。近日節目組上傳咗杜江教囝囝唱歌嘅花絮片段同大家開心分享，唔少網民睇完呢兩父子互動都會心微笑，同時亦讚賞杜江嘅耐性強得驚人。
從片段可見，杜江教囝真係非常之有耐性，佢唔單只逐字逐句教囝囝嗯哼唱歌，而嗯哼重複唸錯歌詞後都幾乎臉不改容。當嗯哼每次在歌詞加上「我」字的時候，他都不厭其煩再教多次。當教到「你是翅膀，我是精靈」這句歌詞，嗯哼總是傻傻分不清你和我，仲狂食螺絲，起初充滿耐性的杜江終於有錯敗感。最後，杜江的努力沒有白費，嗯哼總算可以把這首歌順暢地唱一次。
新世代嘅小朋友學習能力好高，但好多時都有專注力不足嘅問題，所以而家嘅家長要教小朋友真係少啲耐性都唔得。
