內地女星張靜初連續兩日拍喊戲，喊完兩日，早上一覺醒來，大件事！眼腫腫點算好？跟住仲要繼續拍戲，點算好？靜初妹妹第一時間用冰袋敷面，但係敷足四十五分鐘，都依然腫到不行，唯有上網求助，跪求即刻去水腫良方？網民各出奇謀馬上貢獻良方，包括將薯仔切成片敷眼、用茶包、熱雞蛋……靜初妹妹好乖咁逐一試，但試勻所有方法，結果都係冇用！
最後她用自己的方法搞掂，就係落樓跑步一小時，跑完再去健身室搵架太空漫步機，再做足半小時，出完一身汗爽晒，連水腫都消埋，個樣靚番，兼健康樣出埋來，為咗多謝各位網友出謀獻計，佢將自己的方法分享俾大家，萬一真係口腫面腫想即時去水腫，不妨試吓跑步啦！
圖片來源：張靜初@微博