許廷鏗邀鄭欣宜任個唱嘉賓 「希望大家熱烈歡迎佢回歸」

許廷鏗繼邀鄭欣宜擔任MV女主角後，再有望任其個唱嘉賓。

許廷鏗（Alfred）將於聖誕節期間在西九舉行一連三場演唱會，除日前推出新歌《一場同學》MV邀得鄭欣宜（Joyce）「出山」任女主角外，Alfred還自爆已邀請欣宜擔任嘉賓，但對方還未答應，他知道大家都好掛位舞台上的欣宜，故呼籲大家：「你哋見到佢都幫我追追佢！」

Alfred笑指欣宜尚未答應。

Alfred大讚欣宜狀態很好：「我哋當日前拍足二十個鐘，佢由朝到晚都一如以往咁專業同充滿正能量，令整個拍攝團隊都好歡樂！以我所知佢已經非常ready投入工作，好快大家會見到佢。作為朋友替佢開心，希望大家熱烈歡迎佢回歸！」

Alfred相信大家都掛住舞台上的欣宜。

Alfred透露正忙於籌備演唱會和聖誕市集，亦要為演唱會健身、排舞及綵排，清減不少的他透露已經減去十多磅：「outdoor show係自己一直好想挑戰嘅，需要嘅體力真係比室內場大好多，加上今次繼續有WinWin同KC幫我排舞，佢地好有energy，所以我都要嚴陣以待。」

為演唱會籌備及排練。

體能準備之外，聲音都要開始進入狀態，所以Alfred每星期都會上唱歌堂，對於演唱會內容，他難掩興奮：「你哋都知我係鍾意每場都有唔同歌單，所以要練好多歌啊，不過今次準備好多大家耳熟能詳嘅歌，到時一齊大合唱等我偷啲時間飲啖水！」