「誰說書生百無一用？」一睇到呢句歌詞，就好易令人諗起《鐵齒銅牙紀曉嵐》系列入面和珅（內地演員王剛 飾演）嘅絕核演出，而近日同樣以和珅為題材的大台新劇《天命》已經播出，唔少網民好自然將陳展鵬同王剛演繹嘅經典版本作一番比較，咁到底邊位比較啱演和珅一角呢？
內地男演員王剛飾演咗和珅角色已超過十五年
珠玉在前，內地演員王剛已經演咗超過十五年和珅角色，戲份加加埋埋有成三百幾集，經驗超豐富，絕對稱得上為和珅御用演員。至於陳展鵬呢，拍古裝劇經驗雖不算少，但數到要演和珅一角就真係第一次喇。所以唔少觀眾仍然有個刻板印象，就係覺得和珅同王剛形象一樣都係矮矮胖胖唔太靚仔，滿腦子鬼主意。但睇番歷史，原來陳展鵬呢個靚仔版和珅先係貼近歷史記載。
睇呢張相，陳展鵬又真係比王剛更似和珅本人。
據歷史記載，和珅喺出身於滿洲鈕鈷祿氏嘅正紅旗 ， 身材碩長、眉清目秀，有「滿洲第一美男子」的美譽 。除咗五觀標緻，佢仲喺一個聰明絕頂、出口成章、處事機敏的干練之才 ，能精通滿、漢、藏、維吾爾四種語言，既識寫詩，亦喺一位老練、精明嘅政治家兼理財能手，仲喺中國歷史上數一數二嘅大貪官。睇番王剛飾演嘅和珅，身高上真係同展鵬有一段距離，難怪《鐵齒銅牙紀曉嵐》劇中杜小月經常取笑佢 「和胖子」，外形上同史實可以話喺相反 。
新舊和珅，你又鍾意邊個版本多啲呢？
最後，展鵬定王剛靚仔啲大家都心裏有數，《天命》嘅和珅由帥氣十足且比較高大嘅陳展鵬飾演，外形上無疑係更為適合。而他在劇中亦表現得有才幹又有財力，深得乾隆重用寵信，演技方面基本上已經交足功課，至於拎唔拎到滿分，就留番俾各位觀眾定斷喇。
圖片來源：互聯網、my TV SUPER(www.mytvsuper.com)