Viu TV最近熱推的大型「造星」節目《Good night show全民造星》吸引唔少有演藝天份的男生參加，而網民除咗討論呢個節目有向《Produce 101》同《偶像練習生》取經外，仲不斷對99位入圍型男評頭品足。當中最備受注目的莫過於45號的「肥仔」參賽者，唔少網民仲直接叫佢做安西教練添！
梁業同日本經典動漫《男兒當入樽》角色安西教練有幾分相似
討論度極高的肥仔（梁業）今年廿八歲，擁有圓碌碌身形、充滿幸福感的肚子、仁慈的面孔，再加上甜美的笑容，真的與日本經典動漫《男兒當入樽》角色安西教練有幾分相似。難得的是他與漫畫人物安西教練一樣，份量十足的體形一樣有靈巧的反應，故他在自我介紹填上「跳舞教練」四字同樣令人難以相信，唔通大笨象真係識跳舞！？
梁業嘅出現，意味住港版Super Junior神童經已誕生
網民除咗討論梁業嘅身形樣貌神似安西教練，仲笑言第二個Super Junior神童經已誕生，筆者睇多兩睇，梁業逗趣既外表又真係同Super Junior神童有啲似，一樣可以試走另類偶像派路線。正所謂有關注就有人氣，梁業最終以多達4,500個「心心」以首名姿態出綫直入最後五強。（最後五強為肥仔（梁業）、阿Dee（何啟華）、Lokman（楊樂文）、Anson Lo（盧瀚霆）及龍志權）
肥仔（梁業）、阿Dee（何啟華）、Lokman（楊樂
另外，《Good night show全民造星》除咗有安西教練真人版梁業，部分參賽者亦同其他明星撞樣，例如少年版八兩金，小鮮肉版陳鍵鋒同港版G Dragon等等，所以話呢個係「造星」節目真係完全冇講錯。
１１號參賽者龍志權除樣貌似G Dragon，倒轉唸名字根本就是權志龍（G Dragon名字）
５８號參賽者吳保錡被封為少年版八兩金
５５號參賽者何駿廷同男藝員陳鍵鋒撞晒樣
圖片來源：互聯網、ViuTV
