十二月三十日是關智斌 (Kenny) 三十八歲生日，過去幾年因為主力在內地工作，基本上都在劇組中度過，今年難得他在香港，一班英皇好友就決定同他大搞生日會，仲幫Kenny特別諗定一個bling bling Dress code，俾個驚喜壽星仔，不過Kenny就話：「有史提芬咁大支針喺度。」
一早已經知道他們的計劃嘅Kenny，就不算好surprise，不過有什麼朋友會來，Kenny就真的不知道，所以他見到有那麼多人，就連甚少出席他們生日派對的霆鋒都有出現，就覺得很窩心及感動，所以決定將其中一個生日願望送給在場所有朋友。
有份出席生日派對嘅基仔古巨基，為配合bling bling主題，就同太太一齊穿上演唱會嘅dancer衫，又同祖兒一齊合唱《狂串樂基兒》，笑言好耐無唱過這首歌，之後不少網民都留言，叫基仔四月演唱會搵祖兒做嘉賓，唱個足本版俾大家聽。
圖片來源：關智斌@Instagram