中年好聲音｜蘇永康評分唔講交情　 肥媽鬧伍仲衡「個心石做」

蘇永康任是集嘉賓評審。

無綫綜藝歌唱真人騷《中年好聲音》，周日（5日）晚播出的第十集，將展開第四部曲首回合《導師分組賽！情歌PK戰！》，19名選手將分成三組作賽，並由三名星級導師蔡立兒、韋綺姍、彭家麗帶領，三組將分別派出代表出戰五個類別的歌曲。每一輪比賽完成後，最低分組別需淘汰一位成員；完成五個類別比賽後，總分最低一組需再淘汰一位成員，即本回合將共有三位選手被淘汰。

紅隊成員顏志恒（左起）、涂家堯、曹敏寶、鮑聖光、彭澤英、梁愷庭、吳大強。

是集嘉賓評審為蘇永康，原來他跟當中有兩位參賽者相識多年。蘇永康笑言：「當中有人識咗好耐，識咗30幾年嘅都有，佢就係羅金榮，好impress佢對音樂嘅追求。識咗廿幾年嘅都有，佢就係丁文俊，佢仲做過我助手幾年添。」相認過後，蘇康再用認真Mode說：「但咁樣未必係好，因為我知佢哋有幾好，所以俾分可能會Harsh啲。」

+10

是集最大花生位，落在肥媽及伍仲衡身上，曾針鋒相對的兩人再次因意見分歧鬥嘴！事緣顏志恒獻唱肥媽的《Ma Ma I Love You》，志恒真摯的演出感動得肥媽眼濕濕，惟伍仲衡不太受落與肥媽意見分歧，肥媽沒好氣謂：「伍生成日話要有穿透力，我個心依家穿咗窿添啦，佢個心真係石做㗎！」蘇康則笑言：「佢（伍仲衡）啱啱先求婚成功，佢可能過多幾年再評呢隻歌就唔同㗎喇。」場面搞笑。

肥媽感動到喊。