鍾欣潼(阿嬌)近日忙於準備婚禮，為了以最佳狀態示人，她最近積極收身，又在社交網站與大家分享減肥進度。原來阿嬌還在籌備新專輯，新歌《聽說的幸福》MV今日出爐，MV故事情節讓阿嬌勾起與未婚夫共度的幸福時光。
阿嬌坦言好感恩能演唱這首歌，還十分感激內地著名唱作人汪蘇瀧：「汪蘇瀧係我一直好喜歡嘅歌手，覺得佢寫嘅作品好甜蜜，所以我就send message俾佢，問可唔可以幫我寫首歌呢？其實我地之前係未合作過，不過佢好快答應咗，真係為我哋度身訂造，首歌仲寫得好好，本身自己都唔算眼淺，但一收到個陣感動到想喊，應該話遇到呢首歌係另一種幸福！」
MV描述一對異地戀人的相處點滴，MV情節除了交代二人相處的時光，還有為另一半執拾行李，去到哪都會拍照和對方分享。其中男方落廚煮即食麵的一幕，即讓阿嬌聯想起未婚夫為自己做過同類型事情，簡單簡單就已經很窩心。阿嬌還透露心底話:「好多時我哋各自分開去工作，呢種情況下要維繫確係有難度，平時我地好着重分享自己生活，最重要係唔好俾遠距離去影響到段關係。」
影片來源：鍾欣潼 Gillian Chung@YouYube