現年31歲嘅英國女星艾美莉克拉克（Emilia Clarke）早前演出嘅《韓索羅：星球大戰外傳》（Solo: A Star Wars Story）票房同口碑一般，而佢演出多年嘅HBO王牌劇集《權力遊戲》（Game of Thrones）拍埋下季就正式完結，佢最近喺Instagram發表告別宣言。
《權力遊戲》收視同口碑一向都超強勁，不過拍埋下季就正式完結，令無數死忠粉絲心碎。飾演「龍母」Daenerys Targaryen嘅艾美莉克拉克，最近就於Instagram發表告別宣言，表示自己終於完成所有戲份，佢留言話：「終於經歷了一個旅程，多謝《權力遊戲》令我度過一個從未想像過嘅人生，同得到一群我永遠都唔會忘記嘅家人。」
艾美莉仲hashtag表示《權力遊戲》係最後一季，相當不捨。而《權力遊戲》最後一季，將會喺明年播放，到時就會揭曉邊個會係最終坐上王位嘅人。《權力遊戲》令艾美莉名利雙收，成為每集收2,000萬港元最高薪的收費頻道劇集女星。
撰文：安東尼奧