《第56屆金馬獎》將於11月23日舉行，大會昨日（1日）公布入圍名單，香港獨立樂隊朱凌凌成員朱栢康（朱康），憑着電影《金都》將會與《叔‧叔》的袁富華和太保，以及《陽光普照》的巫建和和陳以文，角逐今屆的最佳男主角。
得知入圍的朱康心情興奮，但未及慶祝便要為Viutv新劇《空手打天下》趕工拍攝。朱康表示未消化喜訊，但他認為袁富華得獎機會甚大：「Ben哥喺我讀書時期已經認識架啦，以前仲導演過我幾個舞台劇所以佢好有經驗，機會都好高！根本談不上對手，我係畀佢撳住嚟打就真！入圍個感覺已經好正，所以唔敢諗太多。」
為賀老友入圍，同劇的演員張建聲頒「無型獎」予朱康，朱康笑指自己國語不太好，要用廣東話講得獎感受：「其實我都未諗到頒獎典禮要點，朋友問我恨唔恨得獎，講真有機會就當然想攞啦，不過其實藝術唔係靠獎項去比較高低，得獎係代表你中評委口味。」
