女子組合Super Girls成員蔡明思（Jessica）去年底成為人妻後，近半年來不斷鍛練廚藝，她直言現在其廚藝已大躍進，最近更主持烹飪節目《台灣煮家蔡》。
提到首次主持烹飪節目教煮餸，她坦言有點壓力和緊張，所以事前做足準備功夫，「自己未試過拍節目教煮餸，係會緊張，擔心製作時步驟出錯，所以事前喺屋企煮好多次先，將味道改良，睇吓點樣將碟餸變得更好食。」Jessica笑言平日拿老公做「白老鼠」，她說：「節目中嘅菜式絕對係有搵老公做白老鼠啦，如果要拍攝前，佢一個星期就係不斷食同樣嘅餸，真係煮到自己有信心咁先至會去錄節目。」
