無綫音樂節目《J Music》今晚（1日）播出，其中《勁歌金榜》環節邀來巨星古天樂（古老闆）擔任嘉賓，接受主持許文軒訪問，為即將在下月舉行的首個紅館演唱會《古天樂 LOUIS KOO MY FIRST SHOW》宣傳。古老闆笑言開「紅館騷」會以「新人」心態去面對：「我當自己新人去試去學，總之未做嘅嘢我都想試一次。」
古老闆亦坦言現時跟隨一位朋友去做運動練氣，全心投入為演唱會作準備：「唔係操唔操肌問題，肌肉越發達舞台動作唔會咁靈活，佢（朋友）反而教我一啲運動，唔使太用到身上肌肉，我做咗一粒鐘爆晒汗，做咗一日啲肌肉係痛。」節目中還加插古老闆為演唱會拍攝時「賣萌」花絮片段，「伸脷」、「扭耳仔」、「派心pose」等應有盡有。
出道至今，古老闆至少推出5至6張唱片專輯，多以快歌為主。而在今年推出的多首新歌中，其中一首就是與組合農夫（陸永、C君）合作的快歌《天下一家》，歌曲融入大量Hip Hop及Rap的元素，古老闆首次挑戰唱Rap都坦言不容易：「幾難唱。」還自爆私下聽歌喜好：「我自己私人時間一首慢歌都唔會聽。」至於談到演唱會歌單方面，古老闆過去曾推出多首合唱歌，《萬語千言》、《一眼驚喜》等，均鮮有在公開場合中合唱，古老闆笑言：「有啲歌我可能未必想唱」、「諗吓」，他又透露今年未有計劃推出新專輯，會先專注做好演唱會工作。
