女子組合COLLAR成員李芯駖（Sumling）昨日推出年度首支個人單曲《Ms. Icy》，歌曲旋律偏慢，靈感來自她參演的舞台劇《你好，打劫！Return》中的角色「Icy」。這首新作講述女性基於恐懼、習慣、對未來的未知，而被困於一段有害關係，終在剎那間醒覺，決定要抽身離開。Sumling表示，這個構思來自她第二次演出該角色：「今次係我第二次演出呢個角色，再次翻睇劇本，我發現Icy嘅處境，同好多女性真實經歷好似，被困喺唔健康嘅狀態入面，明明知道唔舒服，但係又走唔到。表面上挾持佢嘅係一支槍，但實際上，困住佢嘅可能係佢自己嘅恐懼、習慣、或者對『離開之後會點』嘅未知。」
她認為「Icy」不僅是一個角色，更是一種女性狀態，希望透過歌曲呈現那個「決定離開」的瞬間。她說：「《Ms. Icy》呢首歌，就係想呈現嗰個『決定離開』嘅瞬間。個『逃生出口』，其實一早喺附近，只係一直唔敢望。今次我再演Icy，希望可以幫所有有類似經歷嘅人望到出口。」
今次MV更是Sumling首次自編自導自演，她透露事前花了約兩個月籌備，直言是一大挑戰：「第一次參與幕後工作，感覺好赤裸，亦驚嘆導演嘅責任好大。做演員，只需要喺鏡頭前面交貨；但做導演，係連『交貨』嘅標準都要自己定。我會不停質疑自己：呢個鏡頭夠唔夠長？呢個情緒夠唔夠真？呢個節奏會唔會太慢？」她還特別找來《你好，打劫！Return》的導演魯文傑客串演出，令整個拍攝別具意義。她憶述：「佢喺戲入面創造咗Icy，而呢一日拍攝，佢親自嚟到Icy嘅結局入面，留低一個身影，由佢手上誕生嘅角色，由我帶到海邊。嗰種感覺好特別，好似一個循環終於完整咗。」