歐陽震華、李幸倪（Gin Lee）、衛詩雅（Michelle）、溫碧霞、鄧小巧、許靖韻、李靖筠、艾妮、黃明德、洪助昇、郭思、劉若寶、朱天、黎峻、曾傲棐、SULIS、 Locksmiths、海兒、英皇集團老闆楊受成，昨日（16日）出席英皇娛樂期間限定概念店「0:effect Concept Store」開幕禮。
Michelle明年2月便會舉行婚禮，目前正忙於籌備婚事，與未婚夫分配處理工作，亦慶幸有經理人擔任婚禮統籌分擔瑣事；她感嘆籌備婚禮太累，「終於明白點解結婚嘅時候要有婚禮，因為希望所有嘅拗撬可以喺婚禮嗰陣時完成晒。」身旁的Gin Lee自薦到婚禮上獻唱，並準備人情祝賀，Michelle坦言最希望將花球拋給她，祝福她早日結婚，但Gin Lee則說：「隨緣啦呢啲嘢。」另外，Gin Lee即將迎來37歲生日，更為自己安排了到台灣修讀數天的動物溝通課程，希望與家中的寵物有更好的溝通。
溫碧霞穿着超低胸連身裙示人，歐陽震華被問到是否不敢直視，他說：「傻啦！我有咩未望過啊？」他回想與宣萱合作拍劇，對方因劇情需要穿着性感，便直接問她：「大家咁老友，俾我停一停望一望，兩秒！」他認為直接表達「好奇」比較好，「掃過嗰啲就好鹹濕猥瑣嘅，仲要俾女仔睇到，即係有時啲男人見到人哋着得靚，係有好奇。」歐陽震華加入英皇電影，溫碧霞希望日後有合作機會。
