MIRROR成員Anson Lo（盧瀚霆）首次推國語單曲《goofy》，今次歌曲打破以往極具爆發力的風格，以輕鬆的中板 R&B 節奏登場，呈獻耳目一新的「鬆弛感」。一如既往Anson Lo親自撰寫英文Rap詞，將自己的心聲與憧憬融入歌曲之中。作品以「goofy」為主題，意指無憂無慮、純粹玩樂的心態。Anson Lo 表示，希望透過這首歌曲為大家帶來歡樂，並在跳唱作品中注入新意：「《goofy》嘅意思係蠢蠢哋、盡情玩樂，唔使諗太多。之前出嘅 party 歌已經係以年計，今次好想再帶歡樂畀大家。不過曲風上好唔同以往出嘅 party 歌如《Megahit》、《MONEY》，嗰啲都比較快同澎湃、好熱鬧。」
除了是國語錄音外，在唱法上也與監製 Edward Chan 有很大的突破，他說：「今次大家尋找咗一個全新嘅聲線，用咗比較輕力、輕聲、比較 Soft 嘅唱法。嚟到出道第 8 年，好想喺單曲上有唔同演繹，有所突破。即使係快歌，都可以因應唔同曲風同 instrument（樂器）做出唔同嘅處理，今次《goofy》係偏向中板輕快嘅一首歌，搵咗一個自己都比較 surprise 到自己嘅唱法。」
MV 拍攝上，Anson Lo再次找來合作無間的鍾偉權（權導）合作，但今次明顯參與度極高，「今次 MV嘅構思、分段、場景、拍攝角度，甚至鏡頭決策，都係由我 100% 全權負責。其實喺收到 Demo嗰一刻，我已經諗起保齡球場同埋海邊黃昏跳舞嘅畫面。去到現場拍攝，美術團隊打造嘅美式 Locker Room 效果比我想像中豐富好多，真係好驚喜。入行第 8 年，對自己作品要求高咗，亦想將學到嘅嘢運用出嚟，好感激權導畀好大信任我去輔助成件事。」能夠看到將腦海畫面一秒一秒真實呈現，Anson Lo非常開心，更慶幸的是拍攝了不少外景，特別加入香港標誌性的維多利亞港海景與高樓大廈景色，Anson Lo 希望透過畫面將香港美麗的都市風貌呈現給更多觀眾。
除了新歌《goofy》正式上架外，Anson Lo亦帶來令歌迷振奮的好消息：預告一星期後將會推出雙單曲企劃的第二首新歌！他透露：「其實第二首歌已經 ready 好，今次選擇隔一星期先推出，係想配合MV喺同一日同步曝光，等大家可以喺同一時間，喺聽覺同視覺上感受到我對呢首歌最完整嘅詮釋。希望大家鍾意《goofy》，亦期待一星期後嘅新歌！」
