MIRROR成員姜濤、陳卓賢、盧瀚霆、陳瑞輝、邱士縉、江𤒹生（AK）、柳應廷、李駿傑、呂爵安、邱傲然與嘉賓吳安儀，昨日（5日）出席ViuTV團綜《MIRROR ACE》記者會，隊長楊樂文與王智德缺席。MIRROR成員在活動上玩「互投Ace成員」遊戲，Ian高票當選「戰略Ace」，姜濤當選「好勝Ace」。
AK日前出席記者會時，被批態度囂張，當問到在IG上載三張黑圖的原因？他說：「個帳號係我嘅，鍾意出咩咪出咩囉，唔使咁多擔心。（你唔開心？）我開唔開心都唔關你事。」又叫大家關心下出面的事，「泰國水浸呀！」再被問是否有事唔開心？他說：「因為泰國水浸囉，我咁鍾意曼谷，佢水浸喎！」
昨日受訪時，AK公開道歉，又向當日有份採訪的記者說：「唔好意思！」AK表示反省了幾日，當日確有不當之處，「因為最近喺生活上，有好大壓力係吃不消，但係我覺得無論有咩壓力都好，當日都唔應該有咁樣嘅表現，我自己反省之後，覺得今日係需要同大家講聲對唔住，因為都佔用咗幾日公眾資源。」被問到是否沒有料到事情會發酵至這個地步？AK認為大家有這個反應好正常，「因為我當日的而且確係有做得不當嘅地方，但係最近圍繞住我嘅所有新聞都的而且確令到我有啲壓力，但無論點樣都好，我當日都唔應該有呢個表現，所以向大家致歉。」AK透露不同的原因都會令他有壓力，他指最需要學習的大課題，是如何梳理內心情緒，「希望將來做好啲，用一個好啲嘅形態去見觀眾！」被追問可有遭公司「照肺」？AK直認：「一定有啦！始終係自己曳呀！經一事長一智！」MIRROR成員都表示支持他，AK說：「我都係出名曳嗰個，亦唔係曳第一次，係有反省嘅，佢哋有原諒我嘅！」
更多現場圖輯：
