由叱咤 903 主辦之《903 發 賀歲波》昨日（5日）在車路士足球學校舉行，叱咤 903《在晴朗的一天出發》、《口水多過浪花》、《聖艾粒LaLaLaLa》及《強大人 Get Set Go》結集足球強人，組成「903 UNITED」出賽，邀得歌手及藝人好友，分別組成「FC3」及「二月五號足球隊」上陣比拼。賀歲波為7人足球賽，採用單循環賽制，共進行3場比賽，每場賽事30分鐘，勝方得3分，負方0分，賽和各隊得1分，由3支隊伍爭奪金、銀、銅牌。
「903 UNITED」隊員包括：林海峰、黃志淙、當奴、傑朱、余德丞、阿強、Jeff、天欣、Agent L、香港足球代表陳肇鈞、蔡子濤、陳正勤、陳加邦及鍾景恆，並由丘建威擔任教練。「FC3」隊員包括胡子彤、林家熙、吳肇軒、陳家樂、周志文、馬志威、洪嘉豪、柳應廷、黃溢濠、黃梓僑、李子俊、吳家偉、鄭敏、文國駿及香港足球代表蘇宸褕（灰熊），並由陳偉豪擔任教練。「二月五號足球隊」隊員包括周殷廷、許賢、米爺、朱Mic、蘇致豪、贊師父、近南哥、文Sir、Mario Hau、Ern9、含爺、狼少、良少、阿J、雞翼、香港足球代表范俊業及顏卓彬，並由陳浩然擔任教練。
首場賽事由「903 UNITED」對戰「FC3」，「903 UNITED」隊長林海峰、香港足球代表陳正勤及陳加邦各入一球，以3：0大勝。第二場賽事由「二月五號足球隊」對戰「FC3」，輸了首仗的「FC3」，由洪嘉豪及黃梓僑各入一球，以2：0取得勝利。第三場賽事由「二月五號足球隊」對戰「903 UNITED」，香港足球代表顏卓彬為「二月五號足球隊」先入兩球，「903 UNITED」余德丞連入3球，然後陳加邦再入1 球，「903 UNITED」以4 比2 反勝。最後，「903 UNITED」奪得金牌，銀牌及銅牌得主分別為「FC3」及「二月五號足球隊」。
洪嘉豪在第二場賽事踢入致勝一球，賽後指：「守龍嗰個係職業龍門范俊業哥哥，其實細細個已經聽阿爸講范俊業有幾勁，今次有機會同范俊業踢波，我仲入咗個legend波，都覺得自己成為一個legend，真係好開心。上次903 AllStar足球賽又輸，今次又輸，希望可以搞多啲大型足球賽事俾我哋報多次仇。」
柳應廷對於今仗未能入波，他表示：「今場試射咗4、5 腳，雖然未能入波，都已經覺得好難得，因為我喺賽前定下目標，就係要入范俊業，但原來真係好難。其實另外兩隊嘅實力都好強，大家落到場比賽，想贏嘅決心都好強。特別係港超聯球員好犀利，1個扭3個，引晒啲球員過去；今日我哋輸，主要因為太緊張。」
負責踢中後場的胡子彤表示：「我今日盡力做防守同埋傳波畀佢哋，第一場發揮得唔係特別好，好多隊友都好少有正式比賽，相對綁手綁腳。第二場就調整好心態，好彩有教練陳偉豪幫手。FC3逢星期六就會練波，想每個星期嘅閒日都可以約一場友賽，我哋真係當一個球會去做，想有恆常訓練同比賽，同埋做school tour。今日係我哋FC3成軍後首場公開比賽，今日嘅表現係100分，因為第一次同大家見面，心態其實好好，而球技就會繼續努力練好啲。」
更多現場圖輯：
