今屆香港小姐競選的12強佳麗各有才藝，其中18號莫韻諰（Vincy）更是運動健將，自小已是排球精英，為沙灘排球校隊代表，到加拿大升讀大學時，時常參與許多國際性賽事，也因而結識了來自世界各地志同道合的好友。她喜歡打排球，可以鍛鍊出敏捷的身手，更有助練好一口流行英語，表示：「嗰時每日放學都去練波，同時練英文，兼學識點樣同團隊相處，亦建立到自信。」Vincy個性活潑開朗，很喜歡接觸不同文化，所以在留學期間認識了不同國籍的朋友。
Vincy酷愛運動，練得健康又結實的線條，更擁有低至16%的體脂率，與標準運動員一樣，她透露：「我有做開GYM，主要做Squat同Leg Day Training，所以大髀肌肉會勁，我覺得自己對腳唔靚，但我唔覺得輸蝕，因為我係運動型。」除了勤做運動，她在飲食方面也很注重，主要進食蔬菜與烤焗食物來保持身段，因而學會不少西式美食的健康烹調方法。此外，熱愛音樂的她，已有高達八級鋼琴造詣。
10號佳麗楊培琳（Penny）自小跟弟妹以英文溝通，所以廣東話不太靈光，亦視這為決賽的最大考驗，幸而有師姊朱晨麗幫助克服語言障礙，她說：「佢教我要做自己，想表達嘅嘢要自信同大膽咁講出嚟。如果人哋聽唔明，就自己練多啲。」Penny四歲已習舞，先後學過踢躂舞、中國舞、民族舞、芭蕾舞以及現代舞，可謂舞林高手。
4號關楓馨（Fabienne）今年26歲，原來已茹素長達5年之久，因為香港目前的茹素者甜品素食選擇不夠多元化，她特意鑽研無蛋奶素食甜品，並有意開設網店，為茹素者提供更多選擇，她說：「依家香港雖然多咗素食餐廳，但素食甜品嘅選擇仲係好缺乏，好多人會覺得好難食，我想幫無蛋奶素食甜品改變呢種固有印象。我希望多咗呢個美味嘅選擇後，大家可以嘗試一星期至少食一至兩次素食，咁無論對健康同環保都有幫助，對小動物亦會好啲。」
